22თებერვალს, ოზურგეთის იურიდიული დახმარების ბიუროს უფროსი ცირა მდინარაძე და ადვოკატი თათა ზენაიშვილი ლანჩხუთის მუნიციპალიტეტის სოფელ ჩოჩხათს მობილურ საკონსულტაციო ცენტრთან ერთად ესტუმრნენ.
ადვოკატები სოფლის ადმინისტრაციულ შენობაში შეხვდნენ ადგილობრივ მოსახლეობას და მიაწოდეს ინფორმაცია იურიდიული დახმარების სამსახურის სერვისების შესახებ, დარიგდა ჟურალი "საზოგადოებრივი ადვოკატი".
შეხვედრის შემდეგ კი ჩოჩხათელებმა ინდივიდუალურად ისარგებლეს მობილური საკონსულტაციო ცენტრით.
შეგახსენებთ, რომ იურიდიული დახმარების სამსახურის "მობილური საკონსულტაციო ცენტრი” არის შესაბამისი ტექნიკით აღჭურვილი სპეციალური მიკროავტობუსი, სადაც შესაძლებელია ინდივიდუალური სამართლებრივი კონსულტაციის გაწევა და საჭირო შემთხვევაში სამართლებრივი დოკუმენტების მომზადება. ცენტრი მოეწყო და აღიჭურვა გერმანიის მთავრობისა Deutsche Botschaft Tiflis გერმანიის საელჩო თბილისი და გაეროს განვითარების პროგრამის (UNDP Georgia) "კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის" პროექტის ფარგლებში.
#undp #undpgeorgia #germany #ruleoflaw #justice #justiceforall #accesstojustice #legalaid #las
